Kehte hain ke barso se itihas badalti hai kalam
yaad hai mujhe aaj bhi jab farmaan likhe jaate the
ek sheher se dusre sheher paigaam likhe jaate the
bahut si unn yaadon ki gawaahi deti hai kalam
jab satyug me ramaayan thi ya dwaapar me mahabharat
unn sabhi mahaan granthon ki daastan likhti hai kalam
punah niramaan jab hua bharat ka wo sone ki chidiya kehlaya
jal uthe padosi desh sare aur angrezon ne jaal failaya
phut daalo aur raaj karo aisi neeti thi jo banayi
sone ki is chidiya ne phir gehri chot thi khayi
jage log aur jagaya sabko kaha ye desh hamara hai
kal angrezon ne ispr raaj kiya tha pr ab samay hamara hai
phir ek naya josh jaga kyuki aazadi thi payi
ye kissa bhi kalam ne likha kyunki mann hi mann thi wo bhi muskayi
phir sarkarein bani jantantra aaya mera bharat phir muskaya
kaha kalam ne chupke se ki ab to naye niyam honge
aisa desh banayenge jisme main ya tu nahi bas hum honge
koi bhed nahi hoga insaano me dharm ko lekr
yaha ishwar allah aur ishumasih alag hokr bhi ek honge
sabhi dharmo ki alag hai bhasha par iraade to nek hai
niyam sau banalo phir bhi kalam ki syahi to ek hai
samay jaise badha tha aage niyam ki kitab ne dhool khayi
kalam ne dekhi iski haalat aur thodi si wo ghabrayi
kya socha tha kya hua ye soch kr wo pachhtayi
insaan tha khud ko bhula aankho par thi lalach ki patti lagayi
kalam ko phir dhyan me aaya ki ye to kalyug hai bhai
jahaan na hai nari ki izzat na hi hai badon ka sammaan
sanskaro ko kuchal kr aise hi aage badh raha insaan
vyavharik ban raha ye kehkar apni hi dhun me hai
samjhao koi is naadaan ko ki thehar jaye
kyuki asli maza nashe me nahin jeewan me hai
kalam ka to kaam hai ki wo likhti jaye
kal bhi likha tha aaj bhi likh rahi aur kal bhi likhegi
aise hi kisso ko anjaam deti hai kalam
kehte hain ki barso se itihas badalti hai kalam
No comments:
Post a Comment